Дэлхийн радиогийн өдрийг тохиолдуулан “Радио бол таны дуу хоолой” сэдэвт семинар зохион байгуулав.
ХХЗХ
2bc400 radio day1 x800

Харилцаа холбооны зохицуулах хороо нь Дэлхийн радиогийн өдрийг тохиолдуулан Улаанбаатар хотод үйл ажиллагаа явуулж байгаа радио өргөн нэвтрүүлгийн үйлчилгээ эрхлэгчдэд зориулсан “Радио бол таны дуу хоолой” сэдэвт семинарыг  2017 оны 2-р сарын 13-ны өдөр амжилттай зохион байгууллаа.

Тус семинарын нээлтэд Харилцаа холбооны зохицуулах хорооны дарга С.Адъяасүрэн, ЮНЕСКО-ийн Монголын Үндэсний  комиссын ерөнхий нарийн бичгийн дарга С.Уянга нар оролцож үг хэллээ. Семинарт радио өргөн нэвтрүүлгийн үйлчилгээ эрхлэгчид, холбогдох төрийн бус байгууллагуудын төлөөллүүдээс нийт 30 орчим оролцогчид оролцлоо.

ЮНЕСКО-оос жил бүрийн 2 дугаар сарын 13-ны өдрийг Дэлхийн радиогийн өдөр болгон тэмдэглээд 6 дахь жилтэй золгож байгаа бөгөөд ЮНЕСКО-ийн Монголын үндэсний комиссоос энэхүү өдрийг Монгол улсад тэмдэглэж байхыг уриалсан чиглэл гаргасны дагуу 2017 оноос Монгол улсад тэмдэглэж эхэлсэнд тус хорооны зүгээс талархан дэмжиж байна.

Харилцаа холбооны зохицуулах хороо нь “ЮНЕСКО-ийн Мэдээлэл харилцаа холбооны хөгжлийн хөтөлбөр”-ийн Монголын үндэсний хорооны бүрэлдэхүүний нэг гишүүний хувьд Монгол улсад Дэлхийн радиогийн өдрийг тэмдэглэх ажлыг дэмжин, энэ арга хэмжээг радиогийн үйлчилгээ эрхлэгчид болон холбогдох төрийн бус байгууллагуудтай хамтран зохион байгуулах эхлэлийг тавьлаа.

Энэ жилийн Дэлхийн радиогийн өдрийн онцлог нь ЮНЕСКО-с гаргасан чиглэлийн дагуу радиогийн үйлчилгээ эрхлэгчид олон нийт, сонсогчдынхоо дуу хоолойг илүү сонсох, хөтөлбөрөө эргэн харж, сонсогчдынхоо санаа бодлыг тусгах, өөрийн редакц, хөтөлбөрийн бодлого эрүүл байгаа эсэхээ цэгнэж үзэхэд чиглэгдсэн байна.

Иймд “Радио бол Таны дуу хоолой” сэдэвт семинарын сэдэв, хэлэлцэх асуудлын хүрээнд радиогийн сэтгүүлзүй, радиогийн зохистой хөгжлийг дэмжих чиглэл бүхий сэдэв, агуулгуудыг түлхүү тусгах, энэ талаар хэлэлцэх үүднээс Глоб Интернэшнл ТББ, Монголын хэвлэл мэдээлийн зөвлөл, Хэвлэл мэдээллийн зөвлөлийн Радио телевизийн Ёс зүйн хороог  урьж оролцуулсан бөгөөд дараах сэдвээр сонирхолтой илтгэл тавьлаа.

  • РАДИО БА СОНСОГЧ
  • ЭРХ ЗҮЙ БА РАДИО
  • ХЭВЛЭЛ МЭДЭЭЛЛИЙН ӨӨРИЙН ЗОХИЦУУЛАЛТ
  • ХЭВЛЭЛ МЭДЭЭЛЛИЙН ЁС ЗҮЙ

Монгол улсад жил бүр Дэлхийн радиогийн өдрийг зохион байгуулдаг болсноор радиогийн үнэ цэнийг сурталчлан таниулах, радио өргөн нэвтрүүлгийн үйлчилгээний зохистой хөгжлийг дэмжих, тулгарч буй асуудал, хөгжлийн чиг хандлагаа жил бүр хэлэлцдэг байх таатай боломж бүрдэх ач холбогдолтой гэж үзэж байна.

Түүнчлэн Дэлхийн радиогийн өдрийг тэмдэглэх ажлын хүрээнд Улаанбаатарт үйл ажиллагаа явуулж байгаа радиогийн үйлчилгээ эрхлэгчид тус өдрийг  хөтөлбөртөө тусгаж сурталчлах талаар идэвх санаачлагатай ажилласаныг тэмдэглэх нь зүйтэй.

Ялангуяа Metro Lounge ФМ 91,7 Дэлхийн радиогийн өдрийг тэмдэглэх талаар санаачлага гаргаж 2017 оны 2-р сарын 11-ны өдөр Сонсогчидтойгоо уулзах нээлттэй хаалганы өдрийг өөрийн радиод зохион байгуулж, энэ арга хэмжээндээ Монголын Хэвлэл мэдээллийн зөвлөлийг урьж оролцуулсан бөгөөд тус зөвлөл энэ нээлттэй хэлэлцүүлгийг Төв, Орхон, Дархан-Уул, Өвөрхангай, Баян-Өлгий аймгуудад FM радиогоор  дахин дамжуулах ажлыг зохион байгууллаа. Эдгээр арга хэмжээг World Radio Day цахим хуудасны Дэлхийн радиогийн өдрийг тэмдэглэсэн тухай Event list-д бүртгэсэн тухай мэдээллийг дараах линкээс танилцаж болно.

Цаашид энэхүү арга хэмжээнд орон нутгийн радио өргөн нэвтрүүлгийн үйлчилгээ эрхлэгчдийг хамруулж, Дэлхийн радиогийн өдрийг тэмдэглэх ажлын цар хүрээ улам өргөжин тэлнэ гэдэгт найдаж байна.

Илтгэл: Радио ба сонсогч, Эрх зүй ба радио: Глоб Интернэшнл ТББ-ын тэргүүн Х. Наранжаргал

Холбогдох зургаас:

Д.Дамдинцогт
ШИНЭЧЛЭГДСЭН: 2017/02/17
Мэдээ мэдээлэл
Мэндчилгээ
Харилцаа холбоо, мэдээллийн технологийн салбарын үйлчилгээ эрхлэгчид, үйлчлүүлэгч, хэрэглэгчид болон энэхүү салбарын хөгжлийн түүхийг бүтээлцэж ирсэн үе үеийн ажилтнууд, шууданчид, холбоочид та бүхэндээ XVII жарны "Алтан унжлагат" хэмээх ГАЛ ТАХИА жилийн мэндийг дэвшүүлье.
02.25
Орон нутгийн төлөөлөгч (Гэрээт ажилтан) шалгаруулж авна /Дархан-Уул аймаг, Орхон аймаг/
Орон нутгийн төлөөлөгч (Гэрээт ажилтан) шалгаруулж авна /Дархан-Уул аймаг, Орхон аймаг/
02.23
Улаанбаатар хотын хэт богино долгионы ФМ радио өргөн нэвтрүүлгийн үйлчилгээ эрхлэгчдэд 2017 оны 02 дугаар сарын 01-22-ны өдрүүдэд хийсэн суурин хяналтын товч мэдээ
Харилцаа холбооны зохицуулах хорооны Радио долгион хяналтын төвөөс радио давтамжийн суурин хяналтыг тогтмол хийж байна. Улаанбаатар хотод хэт богино долгионы ФМ радио өргөн нэвтрүүлгийн үйл ажиллагаа эрхлэх тусгай зөвшөөрөлтэй 32 ФМ аж ахуйн нэгжид 2017 оны 02 дугаар сарын 01-22-ны өдрүүдэд суурин хяналт хийснээс 8 ФМ радио давтамжийн хазайлттай, 1 ФМ радио эзэлсэн зурвасын өргөн стандарт хэмжээнээс их, 24 ФМ радио хэвийн ажиллаж байна.
02.22
“Мэдээллийн технологийн аудитын тогтолцоо, эрх зүйн орчинг бий болгох нь" семинар зохион байгуулагдана
Монголын програм хангамж үйлдвэрлэгчдийн холбоо /MOСA/, Харилцаа холбоо, мэдээллийн технологийн газар болон Харилцаа холбооны зохицуулах хороо хамтран Монгол Улсад мэдээллийн технологийн аудитын тогтолцоог бий болгох зорилгоор 2017 оны 2 дугаар сарын 23-ны өдөр Мэдээллийн технологийн үндэсний паркт “Мэдээллийн технологийн аудитын тогтолцоо, эрх зүйн орчинг бий болгох нь” семинарыг зохион байгуулах гэж байна.
02.22
Дэлхийн радиогийн өдрийг тохиолдуулан “Радио бол таны дуу хоолой” сэдэвт семинар зохион байгуулав.
Харилцаа холбооны зохицуулах хороо нь Дэлхийн радиогийн өдрийг тохиолдуулан Улаанбаатар хотод үйл ажиллагаа явуулж байгаа радио өргөн нэвтрүүлгийн үйлчилгээ эрхлэгчдэд зориулсан “Радио бол таны дуу хоолой” сэдэвт семинарыг 2017 оны 2-р сарын 13-ны өдөр амжилттай зохион байгууллаа.
02.17
Шуудангаар үйлчилгээ эрхлэгчдийн гэрээний үүргийн биелэлтийн дүгнэлт
Шуудангаар үйлчилгээ эрхлэгчдийн гэрээний үүргийн биелэлтийн дүгнэлт
02.17
“Шуудангийн бүртгэл, хяналтын нэгдсэн системийн үйл ажиллагааг сайжруулах, мэдээллийн шинэчлэл хийх” зөвлөх үйлчилгээний зарлал
“Шуудангийн бүртгэл, хяналтын нэгдсэн системийн үйл ажиллагааг сайжруулах, мэдээллийн шинэчлэл хийх” зөвлөх үйлчилгээний зарлал
02.17
Сүхбаатар аймаг, Дорноговь аймгийн Сайншанд хот, Сайхандулаан сум, Замын-үүд боомтод хийсэн хэмжилт шалгалтын ажлын нэгдсэн тайлан
Харилцаа холбооны зохицуулах хорооны даргын 2017 оны 01 дүгээр сарын 23 өдрийн А/16 тоот тушаалын дагуу Дорноговь аймгийн Сайншанд хот, Сайхандулаан сум, Замын-үүд боомт болон Сүхбаатар аймгийн Баруун-Урт хотод үүрэн холбооны үйлчилгээ эрхлэгчдийн радио давтамжийн харилцан нөлөөллийн эх үүсвэрийг илрүүлэн тогтоох, хилийн бүсийн радио давтамжийн ашиглалтын байдалд хэмжилт хийх, холбогдох арга хэмжээг авах илэрсэн зөрчлийг арилгуулах, мэргэжил арга зүйн зөвлөгөө өгөхөд оршино
02.14
Happywebs.mn Сайтад бүртгүүлэх заавар
Happywebs.mn Сайтад бүртгүүлэх заавар
02.14
Зөвлөх үйлчилгээний тухай зарлал
Зөвлөх үйлчилгээний тухай зарлал
02.09