Радио давтамж ашиглах эрхийн бичиг
ХХЗХ

РАДИО ДАВТАМЖ АШИГЛАХ ЭРХИЙН БИЧИГ ШИНЭЭР АВАХ ХҮСЭЛТ ГАРГАГЧ:

Монгол Улсын Радио долгионы тухай хуулийн 13 дүгээр зүйлд “Иргэн, хуулийн этгээд хувийн болон дотоод хэрэглээний харилцаанд зориулан радио холбоо зохион байгуулах, эрдэм шинжилгээ, туршилтын ажиллагаа явуулах бусад бүх төрлийн радио төхөөрөмжийг нийтийн үйлчилгээний бус зориулалтаар ашиглахад радио давтамж ашиглах эрхийг баталгаажуулсан баримт бичиг /цаашид “эрхийн бичиг“ гэх/ олгоно” гэж заасан.

Иймд радио давтамж ашиглах эрхийн бичиг эзэмших хүсэлт гаргах бол дараах баримт бичгийг бүрдүүлэн ХХЗХ-нд ирүүлнэ.

  • Хууль, журам, нөхцөл шаардлагатай танилцах судлах

Хэрэв та радио давтамж ашиглах эрхийн бичиг авах гэж байгаа бол юуны өмнө холбогдох хууль, дүрэм, журам, тухайн чиглэлийн зохицуулалт, нөхцөл шаардлага, төлбөрийн хэмжээтэй танилцах шаардлагатай.

Холбогдох хууль, журам, нөхцөл шаардлага, зохицуулалтын баримт бичигтэй энд дарж танилцана уу.

Харилцаа холбооны чиглэлээр үйл ажиллагаа эрхлэх тусгай зөвшөөрлийн ангилал, төрөл бүрээр тусгай зөвшөөрлийг олгох, сунгахаар тогтоосон хугацаатай энд дарж танилцана уу.

  • Өргөдлийн маягт, нотлох баримт бүрдүүлэх

Дотоод хэрэгцээндээ зориулан радио давтамж ашиглах эрхийн бичиг эзэмшихээр хүсэлт гаргагч нь “Харилцаа холбооны салбарт үйл ажиллагаа эрхлэх зөвшөөрлийн журам”-ын дагуу эрхлэхээр төлөвлөж буй үйл ажиллагааны төрлөөс хамааран харгалзах өргөдлийн маягтуудыг бүрэн бөглөн, уг маягтад заасан холбогдох нотлох баримтыг бүрдүүлэн хавсаргаж ирүүлнэ.

Хүсэлт гаргагч нь холбогдох өргөдлийн маягтыг бүрэн гүйцэд, үнэн зөв бөглөн шаардлагатай нотлох баримтуудыг ирүүлэх нь хүсэлтийг хүлээн авч, дүгнэлт гарган, түргэн шуурхай шийдвэрлэхэд чухал нөлөөтэй болно.

Радио давтамж ашиглах эрхийн бичиг авах бол доорх баримт бичгийг бүрдүүлнэ үү.

Байгууллага

Хувь хүн

1

Эрхийн бичиг эзэмших хүсэлт гаргасан албан бичиг ирүүлнэ.

(Албан бичигт  хүсэлт гаргагчийн нэр, харилцах хаяг, холбоо барих дугаар, факсын дугаар, электрон болон энгийн шуудангийн хаяг байна,  давтамж ашиглах хэрэгцээ шаардлага, төлөвлөж буй vйл ажиллагааны тухай танилцуулгыг оруулсан байна.)

  • Хуулийн этгээдийн үйл ажиллагаа явуулах нотлох гэрчилгээний хуулбар /Нотариатаар баталгаажуулна/
  • Байгууллагын дүрмийн хуулбар

Албан бичгийн загвар маягтыг эндээс татаж авна уу байгууллага

Эрхийн бичиг эзэмших хүсэлт гаргасан өргөдөл ирүүлнэ.

(Өргөдөлд хүсэлт гаргагчийн овог нэр, харилцах хаяг, холбоо барих дугаар, электрон болон энгийн шуудангийн хаяг байна.)

  • Цахим иргэний үнэмлэхийн хуулбар /Нотариатаар баталгаажуулна/

Албан бичгийн загвар маягтыг эндээс татаж авна уу хувь хүн

2

Харилцаа холбооны салбарт үйл ажиллагаа эрхлэх тусгай зөвшөөрлийн өргөдлийн маягт 1 –ийг бөглөнө. 

Өргөдлийн маягт

Өргөдлийн маягтыг бөглөх заавар

Өргөдлийн маягтыг эндээс дарж үзнэ үү.

 

3

Радио давтамж ашиглах тоног төхөөрөмжийн ашиглалтаас хамааран өөрийн эрхлэх үйл ажиллагааны дагуу доорх хүснэгтээс өргөдлийн маягт сонгон бөглөн ирүүлнэ.

Өргөдлийн маягт

Өргөдлийн маягтыг бөглөх заавар

Харилцааны богино долгионы станц (Өргөдлийн маягт 3.2)

Харилцааны богино долгионы станц /Загвар маягт/

Утасгүй интернет (Өргөдлийн маягт 3.1)

Хөдөлгөөнт холбоо (Өргөдлийн маягт 3.3)

Сансрын холбоо (Өргөдлийн маягт 3.4)

Радио линк (Өргөдлийн маягт 3.9)

Утасгүй интернет /Загвар маягт/

Хөдөлгөөнт холбоо /загвар маягт/

Сансрын холбоо /Загвар маягт/

Радио линк /Загвар маягт/

4

Ашиглахаар төлөвлөж буй радио тоног төхөөрөмж болон антенны техникийн үзүүлэлтийг хавсаргана.

5

Үйл ажиллагаа явуулах байршил, хамрах хүрээний зураглалыг өөрсдийн хэмжээнд зурж ирүүлнэ.  Шаардлагатай тохиолдолд тус хороо нь хамрах хүрээний тооцооллыг хийнэ.

  • Заавар, зөвлөгөө авах

Та радио давтамж ашиглах өргөдлийн маягтыг бөглөхдөө дээрх хүснэгтэд байгаа “өргөдлийн маягтыг бөглөх заавар” хэсгээс өөрийн үйл ажиллагаа эрхлэх төрлийн дагуу “загвар маягт”-тай үзэж, танилцана уу.

Хэрэв дээрх заавар, тайлбараас асууж тодруулах, зөвлөгөө авах шаардлагатай бол тус хорооны холбогдох мэргэжилтнүүдтэй дараах хаягаар холбогдох эсвэл биеэр ирж уулзан зөвлөгөө авах боломжтой.

Холбоо барих мэдээллийг эндээс үзнэ үү. /Холбоо барих хаяг, утас, имэйл хаяг/

  • Эрхийн бичгийн хүсэлт хүлээлгэн өгөх

Хүсэлт гаргагч та дээрх дарааллын дагуу өргөдлийн маягтыг бүрэн гүйцэд бөглөж, холбогдох нотлох баримт, материалыг бүрдүүлсэн гэж үзэж байвал хүсэлтээ тус хороонд өөрийн биеэр эсвэл шуудангаар ирүүлж болно.

Хүсэлтийг “Харилцаа холбооны салбарт үйл ажиллагаа эрхлэх зөвшөөрлийн журам“-ын 3.9 -д заасны дагуу хүлээн авна. Хэрэв таны бүрдүүлсэн материалын иж бүрдэл дутуу бол тус журмын дагуу буцаагдана. Иймд бүрэн гүйцэд материал ирүүлэх нь дүгнэлт гаргаж, олгох ажлыг түргэн шуурхай болгоход тустай гэдгийг анхааралдаа авна уу.

Таны өгсөн хүсэлтийг шийдвэрлэх процессыг дор зургаар үзүүлэв

Хэрэв эрхийн бичгийн хүсэлтэд олгохоос татгалзсан тухай шийдвэр гарсан тохиолдолд холбогдох үндэслэл бүхий хариу тайлбарыг албан бичгээр хүргүүлнэ.

  • Гэрээ байгуулах, төлбөр төлөх

Та эрхийн бичиг олгох тухай шийдвэр хүлээн авсан бол тухайн шийдвэрт заасан хугацаанд ХХЗХ-ны тусгай зөвшөөрөл хариуцсан мэргэжилтэнтэй холбоо барьж, эрхийн бичгийн гэрээг байгуулж, радио давтамжийн ашиглалт үйлчилгээний төлбөр төлнө.  

Төлбөрийн журмыг эндээс үзнэ үү.

Эрхийн бичгийн гэрээг талууд харилцан зөвшилцөж, гарын үсэг зурж, тамга даран баталгаажуулан, төлбөр төлсний дараа танд эрхийн бичиг олгогдох болно.

Эрхийн бичиг эзэмшигч

Та  гэрээ байгуулсан өдрөөс эрхийн бичиг эзэмшигч болж байгаа бөгөөд гэрээнд заасан хугацаанд гэрээ болон зөвшөөрлийн нөхцөл шаардлага, стандартыг хангаж, ХХЗХ-ны тогтоол, шийдвэр, бусад холбогдох хууль, тогтоомжийг мөрдөж ажиллах үүрэгтэй.

Эрхийн бичгийн зөвшөөрлийн талаарх хууль журмууд

С.Дашбалбар
ШИНЭЧЛЭГДСЭН: 2017/04/10
Бусад мэдээлэл
Мэдээ мэдээлэл
Харилцаа холбооны зохицуулах хороо БНСУ-ын Мэдээлэл, харилцаа холбооны технологийг дэлгэрүүлэх институцийн ерөнхийлөгч доктор САНГ-ХОНГ ЛИ тэргүүтэй төлөөлөгчдийг хүлээн авч уулзлаа
БНСУ-ын Мэдээлэл, харилцаа холбооны технологийг дэлгэрүүлэх институцийн (Institute of information and technology promotion-IITP) Ерөнхийлөгч Доктор Санг-Хонг Ли тэргүүтэй төлөөлөгчдийг 2017оны 05 дугаар сарын 15-ны өдөр Хорооны дарга С.Адъяасүрэн хүлээн авч уулзлаа.
05.24
Шуудангийн нэгдсэн код "Бүсчлэлийн код"
Монгол Улсын нутаг дэвсгэрийн бүсчлэлийн хуваарийн дагуу засаг захиргааны нэгжийн болон хот суурингийн хэсэг (бүс)-ийн байршлын тухай мэдээллийг агуулж, тэдгээрийг хөгжүүлэх төлөвлөгөөтэй уялдуулан зохицуулалт хийх боломж бүхий нөөцтэй 5 оронтой цифрээр илэрхийлэгдсэн Монгол Улсын шуудангийн нэгдсэн кодыг; гэж заасан байдаг
05.23
Радио давтамжийн зохицуулалтын тухай
Харилцаа холбооны зохицуулах хорооны 2015 оны 12 дугаар сарын 25-ны өдрийн 68 тоот тогтоолоор батлагдсан “Монгол улсад дараа үеийн хөдөлгөөнт холбооны системийг нэвтрүүлэхэд баримтлах зохицуулалт” баримт бичгийн хүрээнд 2017 онд 9 болон 10-р тогтоолыг тус тус батлалаа.
05.23
Улаанбаатар хотын Багануур дүүрэг, Говьсүмбэр аймгийн төв, Төв аймгийн Эрдэнэ, Хэнтий аймгийн Хэрлэн, Цэнхэрмандал, Жаргалтхаан, Өлзийт, Мөрөн, Баянмөнх, Дархан сумууд болон Бор-өндөр тосгонд хэмжилт шалгалтын ажлын тайлан
Улаанбаатар хотын Багануур дүүрэг, Говьсүмбэр аймгийн төв, Төв аймгийн Эрдэнэ, Хэнтий аймгийн Хэрлэн, Цэнхэрмандал, Жаргалтхаан, Өлзийт, Мөрөн, Баянмөнх, Дархан сумууд болон Бор-өндөр тосгонд хэмжилт шалгалтын ажлын тайлан
05.22
Сүлжээний улсын VII олимпиад, сүлжээний инженерийн улсын III олимпиад амжилттай зохион байгуулагдлаа
2015 оноос сүлжээний инженерүүдийн дунд зохион байгуулагдаж эхэлсэн “Сүлжээний инженерийн Улсын III Тэмцээн”-ийг 2017оны 4-р сарын 29-нөөс 5-р сарын 6-ны өдрүүдэд 2 үе шаттайгаар зохион байгууллаа
05.22
Тайландын Вант улсын үндэсний өргөн нэвтрүүлэг, цахилгаан холбоо болон Харилцаа холбооны хороо хооронд хамтран ажиллах санамж бичигт гарын үсэг зурлаа
Харилцаа холбоо, мэдээллийн технологи нь өнөөгийн дэлхий дахины хөгжлийн чиг хандлагыг тодорхойлогч хүчин зүйл, улс орнуудын нийгэм, эдийн засгийн хөгжлийн хурдасгуур, хүний хөгжил, эрх, эрх чөлөөг хангах, баталгаажуулах хэрэгсэл болж байна.
05.19
ОУЦХБ-ын “Ази номхон далайн давтамж менежментийн гуравдугаар чуулган, Утасгүй холбооны бүсийн сургалт”-д оролцлоо
Олон улсын цахилгаан холбооны байгууллага нь (ОУЦХБ) Ази номхон далайн бүсийн 3 дахь удаагийн чуулганыг 2017 оны 05 дугаар сарын 01-05-ны хооронд Тайланд улсын Бангкок хотноо зохион байгууллаа.
05.19
Улаанбаатар хотын үүрэн холбооны сүлжээний чанарын хэмжилт /2017 оны 3 сар/
Улаанбаатар хотын үүрэн холбооны сүлжээний чанарын хэмжилт /2017 оны 3 сар/
05.12
Монгол Улсын Ерөнхийлөгчийн 2017 оны Сонгуулийн сурталчилгаа нэвтрүүлэх мэдэгдэл хүргүүлэх эрх бүхий радио, телевизийн үйлчилгээ эрхлэгчдийн жагсаалт
Сонгуулийн сурталчилгаа нэвтрүүлэх мэдэгдэл хүргүүлэх эрх бүхий радио, телевизийн үйлчилгээ эрхлэгчдийн жагсаалт
05.09
Зөвлөх үйлчилгээний тухай зарлал
Харилцаа холбооны зохицуулах хороо нь “Цахим ХХЗХ нэгдсэн системийн үйл ажиллагааг сайжруулах, системийн шинэчлэл хийх” зорилгоор зөвлөх үйлчилгээний сонгон шалгаруулалтыг зохион байгуулж байна.
05.08