“ХАРИЛЦАА ХОЛБООНЫ ЗОХИЦУУЛАЛТ – 2015” дугуй ширээний ярилцлага амжилттай зохион байгуулагдлаа
ХХЗХ

Харилцаа холбооны зохицуулах хорооноос  “ХАРИЛЦАА ХОЛБООНЫ ЗОХИЦУУЛАЛТ – 2015” дугуй ширээний ярилцлагыг 2015 оны 11 дүгээр сарын 27-ны өдөр Монголын Үндэсний Худалдаа Аж Үйлдвэрийн Танхимд зохион байгууллаа.       Салбарт үйл ажиллагаа эрхлэгч аж ахуйн нэгж, компаниудын төлөөллийн нийт 70 орчим хүн оролцсон “Харилцаа холбооны зохицуулалт-2015” дугуй ширээний ярилцлагаар тулгамдаж буй зарим гол асуудлуудаар хэлэлцүүлэг өрнүүлж, салбарын тэргүүлэгчид, давамгайлагчаар тодорхойлогдсон компаниудын төлөөллөөс тус хорооны үйл ажиллагаа, хэрэгжүүлж буй арга хэмжээний талаар санал, шүүмжлэлийг сонсон нээлттэй ярилцлага хэлбэрээр зохион байгуулсан юм.

Тус хэлэлцүүлгээр:

  • Мэдээллийн технологи, шуудан, харилцаа холбооны газраас “Өндөр хурдны өргөн зурвас үндэсний хөтөлбөрийн хэрэгжилт”-ийн  танилцуулгыг хийж энэхүү хөтөлбөрийн хэрэгжилт, үр дүнгийн талаар дэлгэрэнгүй мэдээлэл өгсөн нь салбарын төлөөлөгчдийн зүгээс багагүй шүүмж, саналыг дагууллаа.
  • Тус хорооны урилгаар Олон улсын цахилгаан холбооны байгууллагын төлөөлөгчид тусгай зөвшөөрөл олголтын бодлого, нэгдмэл зөвшөөрлийн зарчим, онцлог болон түүнийг нэвтрүүлэх орчин нөхцөлийн талаар зөвлөх үйлчилгээ үзүүлэх ажлын хүрээнд энэхүү дугуй ширээний ярилцлагад оролцов.

Энэ үеэр салбарын үйлчилгээ эрхлэгчдэд нэгдмэл зөвшөөрөл, түүний туршлагуудын талаар бусад орнуудын жишээ, түүний онцлог, зарчмуудын талаар сонирхолтой танилцуулга хийв.Үйлчилгээ эрхлэгчид хэрэв нэгдмэл зөвшөөрөлд шилжвэл юунд анхаарах, Монголын зах зээлийн онцлог байдлыг судалж үзэх, нэгдмэл зөвшөөрлийн ямар загварыг судлах нь ач холбогдолтой болох талаар үнэтэй саналууд гаргаж “нэгдмэл зөвшөөрөл”-ийн тухай  ойлголтыг нэгтгэх асуудлаар хэлэлцэв.

  • Тус хорооноос “Харилцаа холбооны салбарын өрсөлдөөн, үнэ тарифын зохицуулалт” сэдвээр танилцуулах илтгэл хийж оролцогчдын дунд асуулт хариулт өрнүүлэн саналуудыг сонслоо.
  • Эцэст нь хөтөлбөрийн дагуу тус хорооноос хийж гүйцэтгэж буй хяналт шалгалт, мониторингийн ажлын талаар танилцуулга, тэдгээрийн талаар үйлчилгээ эрхлэгчдээс авсан санал асуулгын дүн, дүгнэлтийг нэгтгэн танилцуулсан юм.

Энэ удаагийн дугуй ширээний ярилцлагаар салбарын хувьд тулгамдаж буй үндсэн сэдвүүдийг хөндөж үйлчилгээ эрхлэгчдийн санал бодлыг сонсохыг зорьсон бөгөөд идэвхитэй оролцож, шүүмжлэл, санал бодлоо илэрхийлсэн үйлчилгээ эрхлэгчиддээ талархал дэвшүүлэхийн зэрэгцээ та бүхний саналыг цаашдын стратеги, төлөвлөгөө, үйл ажиллагаандаа тусган ажиллах болно гэдгээ илэрхийлье.

Дэлгэрэнгүй мэдээлэл, илтгэлийг эндээс харна уу

 
С.Дашбалбар
ШИНЭЧЛЭГДСЭН: 2015/12/01
Мэдээ мэдээлэл
ДЭЛХИЙН РАДИО ХОЛБООНЫ ЭЭЛЖИТ ИХ ХУРАЛ - 2019 ЭХЭЛЛЭЭ
Ээлжит Дэлхийн Радио Холбооны Их Хурал нь 2019 оны 10 сарын 27-11 сарын 22-ны хооронд Арабын Бүгд Найрамдах Египет улсын Шарим-эл-Шейх хотноо зохион байгуулагдах бөгөөд ОУЦХБ-ын гишүүн 193 орны 3000 гаруй төлөөлөгч оролцоно.
10.23
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
10.21
“Цахим орчны хүүхэд хамгаалал” форум болно
Харилцаа холбооны зохицуулах хороо болон НҮБ-ын Хүүхдийн сан хамтран “Цахим орчны хүүхэд хамгаалал” форумыг 2019 оны 10 дугаар сарын 22-ны өдөр зохион байгуулах гэж байна
10.18
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
10.17
Зүүн бүсийн аймгуудад үйл ажиллагаа явуулж буй үйлчилгээ эрхлэгчдийн үйл ажиллагаанд хяналт, шалгалтыг хийлээ
Улаанбаатар хотын алслагдсан Налайх, Багануур, Багахангай дүүргүүд болон Дорноговь аймгийн Сайншанд, Замын-Үүд сумд, Говьсүмбэр, Дорнод, Хэнтий, Сүхбаатар аймгуудад үйл ажиллагаа явуулж буй тус хорооноос тусгай зөвшөөрөлтэй үйлчилгээ эрхлэгчдийн үйл ажиллагааг газар дээр нь шалгаж, холбогдох хууль тогтоомж түүнд нийцүүлэн гаргасанжурам, нөхцөл шаардлагын биелэлт болон тусгай зөвшөөрлийн гэрээний хэрэгжилтийн байдалд хэмжилт, шалгалтыг хийж, зөрчлөөс урьдчилан сэргийлэх, илэрсэн зөрчлийг арилгах, таслан зогсоох, шударга өрсөлдөөнийг бий болгох зорилгоор шалгалтыг 2019 оны 08-р сарын 21-нээс 31-ний өдрүүд, 09-р сарын 4-нөөс 16-ны өдрүүдэд хийж гүйцэтгэлээ.
10.16
MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
Харилцаа холбооны зохицуулах хорооны баталгаажуулалтын үйл ажиллагаанд гүйцэтгэх ажлын чиглэлийг тодорхойлох MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
10.16
Монгол Улс БНХАУ-тай хил орчмын радио давтамжийн зохицуулалтын гэрээ байгууллаа
Монгол Улс болон Бүгд Найрамдах Хятад Ард Улс хоорондын хил орчмын радио давтамжийн зохицуулалтын хүрээнд III уулзалт 2019 оны 10 дугаар сарын 9-нөөс 11-ний өдрүүдэд Бүгд Найрамдах Хятад Ард Улсын Бээжин хотноо болж өнгөрлөө.
10.16
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11