“Радио давтамжийн ашиглалт, зохицуулалт, хяналт шалгалт, хууль, холбогдох дүрэм журмыг таниулах уулзалт” сэдэвт семинар амжилттай зохион байгуулагдлаа
ХХЗХ

Харилцаа холбооны зохицуулах хорооноос “Радио давтамжийн ашиглалт, зохицуулалт, хяналт шалгалт, хууль, холбогдох дүрэм журмыг таниулах уулзалт” сэдэвт семинарыг 2015 оны 12 дугаар сарын 21-ний өдөр Сүнжин Гранд зочид буудлын хурлын танхимд амжилттай зохион байгууллаа. Уг семинарт Улаанбаатар хотод харилцааны радио станц борлуулагч, такси дуудлагын үйлчилгээ эрхлэгч, харуул хамгаалалтын чиглэлээр үйл ажиллагаа явуулдаг, тус  хорооноос “Радио давтамж ашиглах эрхийн бичиг” эзэмшдэг байгууллага, аж ахуй нэгж, компаниудаас төлөөлөл оролцож, дараах илтгэлүүдтэй танилцаж, харилцан санал солилцлоо. Үүнд:

  • Харилцаа холбооны тоног төхөөрөмжийн баталгаажуулалт
  • Радио долгион хяналтын төвийн үйл ажиллагааны танилцуулга
  • Хууль эрх зүйн орчин, хяналт шалгалтын талаар
  • Радио давтамж ашиглалт, үйлчилгээний төлбөрийн талаар

Энэ удаагийн семинараар радио давтамж ашиглах эрхийн бичгийг хэрхэн авах, сунгуулах, түүнийг хэрхэн зөв зохистой ашиглах, шинээр тоног төхөөрөмж худалдан авахдаа давтамжийн зурвасыг хэрхэн зөв тодорхойлох, баталгаатай борлуулагчдаас тоног төхөөрөмж худалдан авах, тоон станц ашиглахад хэрхэн бэлдэх, харилцан нөлөөллийн үед авах арга хэмжээ, хууль эрх зүйн орчны талаар Улаанбаатар хотод харилцааны радио станц борлуулагч, такси дуудлагын үйлчилгээ эрхлэгч, харуул хамгаалалтын үйлчилгээ эрхлэгч аж ахуйн нэгж, байгууллагуудад мэдээлэл өгч, тэдэнтэй санал бодлоо хуваалцахад чиглэсэн.

Тус хорооны зүгээс “Радио давтамжийн ашиглалт, зохицуулалт, хяналт шалгалт, хууль, холбогдох дүрэм журмыг таниулах уулзалт” сэдэвт семинарт идэвхтэй оролцож, санал бодолоо илэрхийлсэн оролцогчдодоо талархал дэвшүүлэхийн зэрэгцээ та бүхэн цаашид шаардлагатай байгаа сургалт, семинарын талаарх санал хүсэлтээ бидэнд ирүүлэхийг хүсье. Бид та бүхний саналыг цаашдын үйл ажиллагааны төлөвлөгөөндөө тусган ажиллах болно.

Семинарт тавигдсан илтгэлүүдийг энд дарж харна уу.

  № Илтгэл   Хариуцах эзэн  
1 Харилцаа холбооны тоног төхөөрөмжийн баталгаажуулалт З.Амгалан /РДЗХА-ны дарга/
2 Радио давтамж ашиглалт, үйлчилгээний төлбөрийн хэмжээ талаар танилцуулга А.Болортуяа /мэргэжилтэн/
3 Радио долгион хяналтын төвийн үйл ажиллагааны танилцуулга Ч.Энхболд /РДЗХА-ны ахлах инженер, ХХХУбайцаагч/
4 Хууль эрх зүйн орчин, хяналт шалгалт Н.Амарзаяа /РДЗХА-ны  инженер ХХХУбайцаагч/

 

 
 
 
 
 

 

С.Дашбалбар
ШИНЭЧЛЭГДСЭН: 2015/12/24
Мэдээ мэдээлэл
МЭДЭГДЭЛ
Дараах хуулийн этгээд /иргэн/ -үүд тус журамд заасан хугацааны дотор зөвшөөрлийн хугацаагаа сунгуулах хүсэлтээ ирүүлнэ үү.
01.27
Харилцаа холбооны зохицуулах хорооны 2020 оны ээлжит 1 дүгээр хуралдааны мэдээлэл
Монгол Улсын Харилцаа холбооны зохицуулах хорооны 2020 оны ээлжит 01 дүгээр хуралдааныг 2020 оны 1 дүгээр сарын 16-ны өдөр зохион байгуулав.
01.27
"ӨРГӨН НЭВТРҮҮЛГИЙН ХУУЛИЙН ХЭРЭГЖИЛТ- ОРОН НУТАГТ" ОРОН НУТГИЙН ТЕЛЕВИЗҮҮДИЙН УДИРДЛАГУУДЫН УУЛЗАЛТ
"ӨРГӨН НЭВТРҮҮЛГИЙН ХУУЛИЙН ХЭРЭГЖИЛТ- ОРОН НУТАГТ" сэдэвт орон нутгийн телевизүүдийн удирдлагуудын уулзалт 2020 оны 1 -р сарын 24 нд болно.
01.23
Мэдээлэл, харилцаа холбооны тоног төхөөрөмжид баталгаажуулалт хийх төлбөрийн хэмжээ журмын төсөлд санал авч байна
Мэдээлэл, харилцаа холбооны тоног төхөөрөмжид баталгаажуулалт хийх төлбөрийн хэмжээ журмын төсөлд санал авч байна
01.23
Санал гомдол шийдвэрлэлтийн мэдээ 2019 оны сүүлийн хагас жил
Харилцаа холбооны зохицуулах хороо нь Харилцаа холбооны тухай хууль, Радио долгионы тухай хууль, Шуудангийн тухай хууль болон бусад холбогдох хуулиар олгогдсон эрх, үүргийн хүрээнд “Харилцаа холбооны зохицуулах хороонд ирүүлсэн санал, гомдлыг хүлээн авах, хянах, шийдвэрлэх журам”-ын дагуу үйлчилгээ эрхлэгч, хэрэглэгчдийн санал, гомдлыг хүлээн авч шийдвэрлэдэг.
01.22
ТУСГАЙ ЗӨВШӨӨРӨЛ ЭЗЭМШИГЧИД ЦАХИМ ХУУДСААР ТАЙЛАН МЭДЭЭ ИРҮҮЛЭХ ТУХАЙ
Харилцаа холбооны зохицуулах хороо нь тусгай зөвшөөрөл эзэмшигчдээс батлагдсан маягтын дагуу жил бүр статистик тайлан мэдээг гаргуулан авдаг. 2019 оны жилийн эцсийн статистик тайлан мэдээгээ 2020 оны 02-р сарын 20-ний дотор статистик тайлан мэдээний программд шивж, тоон гарын үсгээр баталгаажуулж ирүүлнэ үү.
01.22
Санал гомдол шийдвэрлэлтийн мэдээ 2019 оны 12 сар
Санал гомдол шийдвэрлэлтийн мэдээ 2019 оны 12 сар
01.22
ЗӨВШӨӨРӨЛ ЭЗЭМШИГЧДЭД МЭДЭГДЭХ НЬ
Тусгай зөвшөөрөл, эрхийн бичиг, бүртгэлийн гэрчилгээ эзэмшигч нь холбогдох хууль тогтоомж, журам, гэрээнд зааснаар шинээр зөвшөөрөл авч байгаа тохиолдолд эхний жилийн төлбөрийг шийдвэр гарсан өдрөөс хойш 30 хоногийн дотор, ээлжит жилийн төлбөрийг тусгай зөвшөөрөл олгосон тухай шийдвэр гарсан өдрөөс нэг сарын өмнө төлсөн байх үүрэгтэй бөгөөд заасан хугацаанд төлбөрөө бүрэн төлж барагдуулаагүй тохиолдолд МОНГОЛ БАНКНЫ ЗЭЭЛИЙН МЭДЭЭЛЛИЙН САНД зөвшөөрөл эзэмшигчийн мэдээллийг нийлүүлэх болсныг мэдэгдэж байна.
01.15
Санал гомдол шийдвэрлэлтийн мэдээ 2019 оны 11 сар
Санал гомдол шийдвэрлэлтийн мэдээ 2019 оны 11 сар
01.15