“Тоон технологийн шилжилт, өргөн нэвтрүүлгийн бодлого зохицуулалт” сэдэвт семинар Сүхбаатар аймагт амжилттай зохион байгуулагдлаа
ХХЗХ

Монгол Улсын Засгийн газрын 2010 оны 275 дугаар тогтоолоор баталсан “Радио, телевизийн өргөн нэвтрүүлгийг тоон технологид шилжүүлэх үндэсний хөтөлбөр”-ийг хэрэгжүүлэх ажлын хүрээнд Монгол улсын аналоги телевизийн дахин дамжуулах станцуудыг 2015 оны 10-р сард бүрэн зогсоож, тоон технологид шилжих хуваарийг Мэдээллийн технологи, шуудан, харилцаа холбооны газраас батлаад байгаа билээ.

Иймд тоон технологийн шилжилттэй холбогдуулан Харилцаа холбооны зохицуулах хорооноос орон нутгийн телевиз, радио, ОСДҮЭ (Телевиз, радио, олон сувгийг дамжуулах үйлчилгээ эрхлэгч) (ММDS) үйлчилгээ эрхлэгчдийн  удирдах ажилтнуудад зориулан “Тоон технологийн шилжилт,  өргөн нэвтрүүлгийн бодлого, зохицуулалт” сэдэвт семинарыг 2015 оны 4 дүгээр сарын 22,23-ны өдрүүдэд Улаанбаатар хотод зохион байгуулсан бөгөөд уг семинарын үеэр орон нутгийн телевизийн холбоо болон тусгай зөвшөөрөл эзэмшигчдийн саналыг харгалзан тус хорооноос хийхээр төлөвлөгдсөн зүүн бүсийн семинарыг зохион байгуулахаар шийдвэрлэсэн юм.

2015 оны 7 дугаар сарын 15-наас эхлэн аналоги телевизийн дахин дамжуулах станцуудыг унтраах ажил эхэлж, өргөн нэвтрүүлгийг тоон технологид шилжүүлж байгаатай уялдан бодлого, зохицуулалтын хүрээнд төдийгүй үйлчилгээ эрхлэгчдийн хувьд хийж хэрэгжүүлэх ажлууд их байна. Тэр ч утгаараа Сүхбаатар аймгийн Баруун-Урт суманд Сүхбаатар, Дорнод, Хэнтий, Дорноговь, Өмнөговь, Дундговь, Говь-Сүмбэр аймагт радио, телевизийн өргөн нэвтрүүлгийн үйлчилгээ эрхлэгчдийг хамруулсан 2 өдрийн сургалт, семинарыг амжилттай зохион байгууллаа. Тус семинарт орон нутгийн үйлчилгээ эрхлэгчид идэвхтэй оролцож нийт 6 аймгийн 40 гаруй төлөөлөл оролцсон .

Харилцаа холбооны зохицуулах хорооноос радио, телевизийн өргөн нэвтрүүлгийг тоон технологид шилжүүлэх, түүний зохицуулалтын арга хэмжээг үе шаттай хэрэгжүүлэх ажлууд хийгдэж байгаагийн нэг нь радио долгионы хуваарилалттай холбоотой шаардлагатай арга хэмжээг авах, тоон технологийн шилжилттэй уялдсан зохицуулалтын баримт бичиг боловсруулж гаргах, тэдгээрийг холбогдох тусгай зөвшөөрөл эзэмшигчиддээ мэдээлэн таниулах, ойлгуулах, тэдний санал шүүмжлэлийг сонсох зорилгоор сургалт, семинарыг бүсчилсэн байдлаар зохион байгуулж байгаа билээ.

Энэхүү 2 өдрийн семинараар өргөн хүрээтэй олон асуудлыг хамарсан илтгэл, танилцуулга тавьж, асуудал тус бүрээр хэлэлцсэн ба оролцогчдоос өргөн нэвтрүүлгийн бодлого, зохицуулалтын чиглэлээр санал зөвлөмж хүргүүлсэн үр дүнтэй, ажил хэрэгч семинар болсон гэж зохион байгуулагчдын хувьд үзлээ.

Семинарт илтгэл тавьж оролцсон газрууд:

Харилцаа холбооны зохицуулах хороо, Мэдээллийн технологи, шуудан харилцаа холбооны газрын холбогдох албаны мэргэжилтэн, ШУТИС, МХТС-ийн багш Б.Пүрэвцэрэн, КаТВ-үүдийн үйлчилгээ эрхлэгчдийн холбооны дэд захирал Ж.Нямлхагва, Орон нутгийн телевизүүдийн холбооноос оролцож холбогдох сэдвээр илтгэл тавилаа.

Семинараар хэлэлцсэн асуудлыг тоймлон хүргэвэл:

  1. Тоон технологийн шилжилттэй холбоотой бодлого, зохицуулалтын асуудлууд тухайлбал тоон технологийн үндэсний хөтөлбөрийн хэрэгжилт, Зохицуулах хорооноос тоон телевизийн радио, давтамжийн зохицуулалт, тоног төхөөрөмжийн баталгаажуулалтын асуудлуудаар Харилцаа холбооны зохицуулах хороо, Мэдээллийн технологи, шуудан, харилцаа холбооны газрын холбогдох дарга, мэргэжилтнүүд хийж, өргөн хүрээтэй танилцуулга тавьж, асуулт хариулт өрнүүллээ.
  2. Тоон технологийн орчинд тоон телевизийн студи, тоног төхөөрөмжинд тавигдах шаардлага, тоног төхөөрөмжийн шийдлийн талаар ШУТИС, МХТС-ийн багш Б.Пүрэвцэрэн сонирхолтой илтгэл тавьж оролцогчид Сүхбаатар аймагт үйл ажиллагаа явуулж байгаа өргөн нэвтрүүлгийн телевизийн үйлчилгээ эрхлэгчийн телевизийн студитэй танилцаж, заавар зөвлөмж авлаа.
  3. Зохицуулах хорооны дотоод үйл ажиллагааны зохион байгуулалтын өөрчлөлт, тусгай зөвшөөрөл олголт, сунгалтанд анхаарах асуудлууд
  4. Телевизийн өргөн нэвтрүүлгийн бүх үйлчилгээ эрхлэгчдээс хүлээн авсан статистик тайлан мэдээнд үндэслэн гаргасан судалгаа, Телевизийн өргөн нэвтрүүлгийн үйлчилгээний зах зээлийн багтаамж, статистик тайлан (ХХЗХ)
  5. Зохицуулах хорооноос Ази Номхон Далайн бүсийн Өргөн нэвтрүүлгийн байгууллагаас өргөн нэвтрүүлгийн хууль эрхзүй, зохицуулалтын орчинг сайжруулах чиглэлээр зөвлөх үйлчилгээ авсны дагуу боловсруулж гаргасан Өргөн нэвтрүүлгийн хуулийн төслийн талаар танилцуулж, санал бодлыг хүлээн авч, сонирхсон асуултад хариулт өглөө.
  6. Түүнчлэн  шинэчлэн батлагдсан “Өргөн нэвтрүүлгийн зохицуулалт, нөхцөл шаардлага” болон 2015 оны 6-р сарын 12-ны өдрийн Зохицуулах хорооны 30 дугаар тогтоолоор батлагдсан “Монгол улсын нутаг дэвсгэрт телевиз, радиогийн өргөн нэвтрүүлэг хүргэхэд тавигдах нөхцөл шаардлага” “Тоон телевизийн үндэсний сүлжээгээр дамжуулах өргөн нэвтрүүлгийн телевиз, сувгийн үйлчилгээ эрхлэхэд тавигдах нөхцөл, шаардлага”-ын талаар тус тус танилцууллаа.
  7. Харилцаа холбооны зохицуулах хорооны даргын 2015 оны 05-р сарын 28-ны өдрийн А/142 тоот тушаалаар батлагдсан удирдамжийн дагуу Дундговь, Өмнөговь, Дорноговь, Говь-Сүмбэр, Хэнтий, Дорнод, Сүхбаатар аймаг болон зарим сумдад үйл ажиллгаа явуулж байгаа өргөн нэвтрүүлгийн үйлчилгээ эрхлэгчдийн (телевиз, радио, ОСДҮЭ (ММDS) тусгай зөвшөөрлийн хүрээнд ашиглаж байгаа радио давтамжийн зурваст хэмжилт хийх, өргөн нэвтрүүлгийн телевизийн тусгай зөвшөөрөл эзэмшигчдийн гэрээний үүргийн биелэлт, Өргөн нэвтрүүлгийн зохицуулалт, нөхцөл шаардлагыг хангаж байгаа эсэхэд 2015 оны 06 дугаар сарын 03-ны өдрөөс 2015 оны 06–р сарын 15-ны хооронд хяналт шалгалт хийсний дагуу шалгалтын багаас радио давтамж ашиглалтын байдал, техник стандарт, хөтөлбөрт тавигдах шаардлага хангах талаар анхаарах асуудал, зөвлөмжүүдийг танилцууллаа.
  8. Орон нутгийн телевиз, радиогийн холбооноос орон нутгийн үйлчилгээ эрхлэгчдэд тусгай зөвшөөрлийн нөхцөл шаардлагын хэрэгжилт, тоон технологийн шилжилтийн хүрээнд тулгамдаж буй асуудлуудаа танилцууллаа.

Түүнчлэн семинарын төгсгөлд Орон нутгийн телевиз, радиогийн холбоо өөрийн үйл ажиллагааг танилцуулж, орон нутгийн телевиз, радио, ОСДҮ эрхлэгчдийн цаашдын хамтын ажиллагааг сайжруулах талаар болон орон нутгийн телевизийн өргөн нэвтрүүлгийг сумдад хүргэх асуудлын талаар хэлэлцэж, ярилцав.

Семинарын үр дүнд дээрх асуудлуудаар өргөн хүрээтэй мэдээлэл авсан бөгөөд ялангуяа орон нутгийн телевизүүд өөрийн бүтээл үйлдвэрлэлдээ анхаарч,  орон нутгийн мэдээ, мэдээлэл нэвтрүүлэг бэлтгэн хүргэдэг байх, хөтөлбөртөө анхаарал хандуулах шаардлага тулгарч байгаа талаар нэгсэн ойлголт мэдээллийг авлаа. Түүнчлэн орон нутагт үйл ажиллагаа явуулж байгаа өргөн нэвтрүүлгийн телевизүүд хамрах хүрээгээ Монгол улсын нутаг дэвсгэрт болгон өргөжүүлэхэд ямар шаардлага хангах, тоон телевизийн үндэсний сүлжээгээр дамжуулж орон нутгийн телевизийн өргөн нэвтрүүлгийн үйлчилчилгээ эрхлэхэд тавигдах үндсэн шаардлагын талаар мэдээлэл авч, нэгдсэн ойлголттой боллоо.

 

С.Дашбалбар
ШИНЭЧЛЭГДСЭН: 2015/06/22
Мэдээ мэдээлэл
Орон нутгийн төлөөлөгч (Гэрээт ажилтан) шалгаруулж авна /Дархан-Уул аймаг, Орхон аймаг/
Орон нутгийн төлөөлөгч (Гэрээт ажилтан) шалгаруулж авна /Дархан-Уул аймаг, Орхон аймаг/
02.23
Улаанбаатар хотын хэт богино долгионы ФМ радио өргөн нэвтрүүлгийн үйлчилгээ эрхлэгчдэд 2017 оны 02 дугаар сарын 01-22-ны өдрүүдэд хийсэн суурин хяналтын товч мэдээ
Харилцаа холбооны зохицуулах хорооны Радио долгион хяналтын төвөөс радио давтамжийн суурин хяналтыг тогтмол хийж байна. Улаанбаатар хотод хэт богино долгионы ФМ радио өргөн нэвтрүүлгийн үйл ажиллагаа эрхлэх тусгай зөвшөөрөлтэй 32 ФМ аж ахуйн нэгжид 2017 оны 02 дугаар сарын 01-22-ны өдрүүдэд суурин хяналт хийснээс 8 ФМ радио давтамжийн хазайлттай, 1 ФМ радио эзэлсэн зурвасын өргөн стандарт хэмжээнээс их, 24 ФМ радио хэвийн ажиллаж байна.
02.22
“Мэдээллийн технологийн аудитын тогтолцоо, эрх зүйн орчинг бий болгох нь" семинар зохион байгуулагдана
Монголын програм хангамж үйлдвэрлэгчдийн холбоо /MOСA/, Харилцаа холбоо, мэдээллийн технологийн газар болон Харилцаа холбооны зохицуулах хороо хамтран Монгол Улсад мэдээллийн технологийн аудитын тогтолцоог бий болгох зорилгоор 2017 оны 2 дугаар сарын 23-ны өдөр Мэдээллийн технологийн үндэсний паркт “Мэдээллийн технологийн аудитын тогтолцоо, эрх зүйн орчинг бий болгох нь” семинарыг зохион байгуулах гэж байна.
02.22
Дэлхийн радиогийн өдрийг тохиолдуулан “Радио бол таны дуу хоолой” сэдэвт семинар зохион байгуулав.
Харилцаа холбооны зохицуулах хороо нь Дэлхийн радиогийн өдрийг тохиолдуулан Улаанбаатар хотод үйл ажиллагаа явуулж байгаа радио өргөн нэвтрүүлгийн үйлчилгээ эрхлэгчдэд зориулсан “Радио бол таны дуу хоолой” сэдэвт семинарыг 2017 оны 2-р сарын 13-ны өдөр амжилттай зохион байгууллаа.
02.17
Шуудангаар үйлчилгээ эрхлэгчдийн гэрээний үүргийн биелэлтийн дүгнэлт
Шуудангаар үйлчилгээ эрхлэгчдийн гэрээний үүргийн биелэлтийн дүгнэлт
02.17
“Шуудангийн бүртгэл, хяналтын нэгдсэн системийн үйл ажиллагааг сайжруулах, мэдээллийн шинэчлэл хийх” зөвлөх үйлчилгээний зарлал
“Шуудангийн бүртгэл, хяналтын нэгдсэн системийн үйл ажиллагааг сайжруулах, мэдээллийн шинэчлэл хийх” зөвлөх үйлчилгээний зарлал
02.17
Сүхбаатар аймаг, Дорноговь аймгийн Сайншанд хот, Сайхандулаан сум, Замын-үүд боомтод хийсэн хэмжилт шалгалтын ажлын нэгдсэн тайлан
Харилцаа холбооны зохицуулах хорооны даргын 2017 оны 01 дүгээр сарын 23 өдрийн А/16 тоот тушаалын дагуу Дорноговь аймгийн Сайншанд хот, Сайхандулаан сум, Замын-үүд боомт болон Сүхбаатар аймгийн Баруун-Урт хотод үүрэн холбооны үйлчилгээ эрхлэгчдийн радио давтамжийн харилцан нөлөөллийн эх үүсвэрийг илрүүлэн тогтоох, хилийн бүсийн радио давтамжийн ашиглалтын байдалд хэмжилт хийх, холбогдох арга хэмжээг авах илэрсэн зөрчлийг арилгуулах, мэргэжил арга зүйн зөвлөгөө өгөхөд оршино
02.14
Happywebs.mn Сайтад бүртгүүлэх заавар
Happywebs.mn Сайтад бүртгүүлэх заавар
02.14
Зөвлөх үйлчилгээний тухай зарлал
Зөвлөх үйлчилгээний тухай зарлал
02.09
Тендерийн урилга
Тендерийн урилга
02.08