Үүрэн холбооны 3G сүлжээний чанарт DECT 6.0 технологийн утасгүй телефон аппарат сөргөөр нөлөөлж байна
ХХЗХ

DECT 6.0 технологийн утасгүй телефон аппаратыг ашиглахгүй байхыг нийт иргэд, аж ахуйн нэгжүүдэд зөвлөж байна.

 

Харилцаа холбооны зохицуулах хороонд үүрэн холбооны оператор компаниуд болон хэрэглэгчдээс 3G сүлжээний интернетийн хурд  удаан, яриа дуудлага тасарч байна гэсэн гомдлууд их гарах болсонтой холбогдуулан тус хорооны радио долгион хяналтын инженерүүд нь холбогдох хэмжилт шалгалтыг хийж байна.

Тус хорооноос 2016 оны 1 дүгээр сарын 22-ноос 2 дугаар сарын 5-ны өдрүүдэд Улаанбаатар хотод хийсэн хэмжилт шалгалтаар нийт 40 байршилд Сүхбаатар дүүрэгт-14, Сонгино-Хайрхан дүүрэгт-2, Баянзүрх дүүрэгт-10, Баянгол дүүрэгт 12, Хан-Уул дүүрэгт 1, Чингэлтэй дүүрэгт 1 газарт 33 иргэн, 7 аж ахуйн нэгж байгууллага DECT 6.0 технологийн утасгүй телефон аппарат ашиглаж байгааг илрүүлсэн. Шалгалтаар зөрчилтэй ажиллаж байсан 33 иргэний 31 зөрчлийг, 7 байгууллагын 6 зөрчлийг тус тус арилгуулав. 

 

Зураг 1. Нөлөөлөл үүсгэсэн DECT 6.0 утасгүй телефон аппаратын байршил, радио долгионы хамрах хүрээний зураглал

Иргэд, аж ахуйн нэгжийн дотоод хэрэгцээндээ ашиглаж байгаа Panasonic, Motorola, Uniden, Siemens, VTech, RCA, GE зэрэг брендийн DECT 6.0 технологийн утасгүй телефон аппарат нь 200-300 метрийн радиусын  хүрээнд үүрэн холбооны 3G сүлжээний яриа болон интернет холболтын чанарт сөргөөр нөлөөлж байна.

Суурин холбооны DECT 6.0 технологийн утасгүй телефон аппарат нь радио давтамжийн 1920-1930МГц-ийн зурваст 0.25 Вт хүртэлх цацаргалтын чадалтайгаар зөвхөн АНУ болон Канад улсад ашиглах зориулалттай юм.

Монгол улсын стандарт шаардлагад нийцээгүй DECT 6.0 технологийн утасгүй телефон аппаратыг ашиглаж байгаа иргэд, аж ахуйн нэгж нь “Радио долгионы тухай” хуулийн дараах заалтуудыг зөрчиж байна.

  • 19.1.1. стандарт, техникийн нөхцөлийг хангаж, баталгаажуулсан радио төхөөрөмжийг сонгон ашиглах;
  • 19.2.5. бусад радио холбоо, радио төхөөрөмжид харилцан нөлөөлөл үүсгэхгүй байх;
  • 20.5.1. радио төхөөрөмж нь стандарт, чанарын үзүүлэлт, техникийн нөхцөлийн шаардлага хангаагүй;
  • 20.5.4. бусад хэрэглэгчийн үйл ажиллагаанд харилцан нөлөөлөл үүсгэсэн, тэдний хэвийн ажиллагааг алдагдуулсан.

Монгол улсад суурин холбооны DECT 6.0  технологийн утасгүй телефон аппаратын хэрэглээ, борлуулалтыг хориглох нь дээр дурдсан хуулийн зөрчлийг арилгах, үүрэн холбооны хэрэглэгчдийн эрх ашгийг хамгаалах, чанартай үйлчилгээг хүргэх зорилготой юм.

Тус хорооноос стандарт, чанарын үзүүлэлт, техникийн нөхцөл шаардлага хангаагүй  радио төхөөрөмжийн талаар илэрсэн зөрчлийг тогтмол мэдээлэх бөгөөд үүрэн холбооны сүлжээний чанарт сөрөг нөлөөлөл үзүүлж байгаа DECT 6.0 технологийн утасгүй телефон аппаратыг ашиглахгүй байхыг нийт иргэд, аж ахуйн нэгжүүдэд зөвлөж байна.

Харилцах утас: 304258, 304257 (Ц.Чулуунбат, Б.Амгалан). email: info@crc.gov.mn

 
С.Дашбалбар
ШИНЭЧЛЭГДСЭН: 2017/11/22
Мэдээ мэдээлэл
“ЦАХИМ ОРЧИН АШИГЛАН СОНГУУЛИЙН СУРТАЛЧИЛГАА ЯВУУЛАХ, ТҮҮНД ХЯНАЛТ ТАВИХ ЖУРАМ”-ын төсөлд санал авч байна.
Монгол Улсын Их Хурлын Сонгуулийн тухай хууль 2019 оны 12 дугаар сарын 20-ны өдөр батлагдсан. Тус хуулийн 47 дугаар зүйлийн 47.9 дахь хэсэгт заасны дагуу “ЦАХИМ ОРЧИН АШИГЛАН СОНГУУЛИЙН СУРТАЛЧИЛГАА ЯВУУЛАХ, ТҮҮНД ХЯНАЛТ ТАВИХ ЖУРАМ”-ыг Цагдаагийн төв байгууллага, Харилцаа холбооны зохицуулах хорооны саналыг үндэслэн Сонгуулийн ерөнхий хороо хамтран баталж, мөрдүүлнэ.
02.17
Вэб контентийн хүртээмжийг нэмэгдүүлэх аргачлал
Вэб контентийн хүртээмжийг нэмэгдүүлэх аргачлал
02.17
IPTV системийн үйлчилгээний хүртээмжийг нэмэгдүүлэх аргачлал
IPTV системийн үйлчилгээний хүртээмжийг нэмэгдүүлэх аргачлал
02.17
Шуудангийн салбарт мөрдөгдөх зохицуулалтын баримт бичиг шинэчлэгдлээ
Шуудангийн салбарт мөрдөгдөх зохицуулалтын баримт бичиг шинэчлэгдлээ
02.17
“РАДИО, ТЕЛЕВИЗЭЭР СОНГУУЛИЙН СУРТАЛЧИЛГААГ НЭВТРҮҮЛЭХ,ХЯНАЛТ ТАВИХ ЖУРАМ”-ын төсөлд санал авч байна.
Монгол Улсын Их Хурлын Сонгуулийн тухай хууль 2019 оны 12 дугаар сарын 20-ны өдөр батлагдсан. Тус хуулийн 46 дугаар зүйлийн 46.20 дахь хэсэгт заасны дагуу “РАДИО, ТЕЛЕВИЗЭЭР СОНГУУЛИЙН СУРТАЛЧИЛГААГ НЭВТРҮҮЛЭХ,ХЯНАЛТ ТАВИХ ЖУРАМ”-ыг Сонгуулийн Ерөнхий хороо, Харилцаа холбооны зохицуулах хороотой хамтран батлана.
02.14
Дэлхийн радиогийн өдөр
Өнөөдөр 2020 оны 02 дугаар сарын 13 ны өдөр ЮНЕСКО-с тунхагласан “Дэлхийн радиогийн өдөр” тохиож байгааг тохиолдуулан Радио өргөн нэвтрүүлгийн үйлчилгээ эрхлэгчид болон нийт сонсогчиддоо Дэлхийн радиогийн өдрийн баярын мэндийг дэвшүүлье.
02.13
2020 он 1 дүгээр сард ирсэн санал, гомдлын мэдээ
2020 он 1 дүгээр сард ирсэн санал, гомдлын мэдээ
02.13
Шуудангийн шинэчлэгдсэн стандартын эмхэтгэл хэвлэгдэн гарлаа
Шуудангийн тухай хуульд нэмэлт өөрчлөлт оруулах тухай хууль 2019 оны 05 дугаар сарын 30-нд батлагдсанаар тус хуульд орсон нэмэлт өөрчлөлттэй нийцүүлэн, салбарын нийт 43 стандартыг дахин хянаж, 27 стандартыг хүчингүй болгож, нэгтгэн шинэчлэх ажил хийгдсэн.
02.13
Мобиком корпораци ХХК –аас ирүүлсэн 12/232 тоот албан хүсэлтийн дагуу радио давтамжийн харилцан нөлөөлөл тогтоох хэмжилт
Мобиком корпораци ХХК –аас ирүүлсэн 12/232 тоот албан хүсэлтийн дагуу радио давтамжийн харилцан нөлөөлөл тогтоох хэмжилт
02.12
Мобиком корпораци ХХК –аас ирүүлсэн 03/79 тоот албан хүсэлтийн дагуу радио давтамжтай цахилгаан соронзон орны хүний биед үзүүлэх нөлөөний аюулгүйн түвшинг тодорйлох хэмжилт
Мобиком корпораци ХХК –аас ирүүлсэн 03/79 тоот албан хүсэлтийн дагуу радио давтамжтай цахилгаан соронзон орны хүний биед үзүүлэх нөлөөний аюулгүйн түвшинг тодорйлох хэмжилт
02.12