Мэдээлэл холбооны үйлчилгээ
ХХЗХ

Тус хороо нь Харилцаа холбооны тухай хуулиар олгосон бүрэн эрхийн хүрээнд Монгол Улсад ярианы болон интернэтийн үйлчилгээний хөгжлийг дэмжих, зах зээлийн өрсөлдөөний таатай орчныг бүрдүүлэх, чанартай үйлчилгээгээр олон нийтийг хүртээмжтэй хангахад чиглэсэн харилцааг зохицуулах зорилгоор цахилгаан холбооны салбарт зохицуулалт хийж байна.

Цахилгаан холбооны үйлчилгээ эрхлэхтэй холбогдон үүсэх харилцааг Монгол Улсын Харилцаа холбооны тухай, Радио долгионы тухай хууль, Өрсөлдөөний тухай хууль болон бусад холбогдох хууль, эрхзүйн баримт бичгүүдэд нийцүүлэн зохицуулна.

Цахилгаан холбооны үйлчилгээ эрхлэгчдэд дараах үйлчилгээ эрхлэгчдийг хамааруулж ойлгоно. Үүнд:

  • Ярианы үйлчилгээ эрхлэгчид
  • Интернэтийн үйлчилгээ эрхлэгчид

Ярианы үйлчилгээ

Ярианы үйлчилгээ нь цахилгаан холбооны үндсэн үйлчилгээнд тооцогддог бөгөөд цахилгаан холбооны үйлчилгээ эрхлэх тусгай зөвшөөрөл бүхий үйлчилгээ эрхлэгчийн хувьд хэрэглэгчдэд заавал үзүүлэх үйлчилгээ нь болдог. Ярианы үйлчилгээнд ашиглаж буй технологиос нь хамааруулан дараах төрлийн үйлчилгээнүүдийг хамруулж үзэж байгаа бөгөөд Зохицуулах хорооны зүгээс 2012 оноос өмнө эдгээр чиглэлүүдээр үйлчилгээ эрхлэх тусгай зөвшөөрлүүдийг олгож байсан. Үүнд:

  • Уламжлалт цахилгаан холбооны суурин утасны үйлчилгээ (PSTN)
  • Үүрэн холбооны үйлчилгээ (Mobile)
  • Интернэт протоколд суурилсан ярианы үйлчилгээ (VoIP)

Тус хорооны зүгээс олон улсын зохицуулалтын чиг хандлага, технологийн хөгжил, дэвшил зэргийг харгалзан олон улсад тусгай зөвшөөрлийн зохицуулалтад баримталж буй технологиос үл хамаарах зарчмыг баримтлан дээр дурдсан төрлийн үйлчилгээнүүдийг нэгтгэн нэг ангилал болгож, Харилцаа холбооны зохицуулах хорооны 2014 оны 06 дугаар тогтоолоор “Харилцаа холбооны үйлчилгээ эрхлэх тусгай зөвшөөрлийн ангилал”-д тусгаж баталсан.

Тусгай зөвшөөрлийн ангилалд орсон энэхүү өөрчлөлт нь шинээр тусгай зөвшөөрөл авахад эсхүл дээрх дурдсан чиглэлийн тусгай зөвшөөрлийн хугацаа дуусаж, сунгах үед шинэчлэгдэн олгогдох юм.

Үүрэн холбооны үйлчилгээ эрхлэхэд радио давтамж ашиглах тусгай зөвшөөрлийг мөн авах шаардлагатай бөгөөд үүрэн холбоонд ашиглах радио давтамжийг Монгол Улсын Радио долгионы тухай хуулийн дагуу уралдаант шалгаруулалтаар олгодог.

Харин интернэт протоколд суурилсан ярианы үйлчилгээний хувьд Зохицуулах хорооноос 2014 оны 39 тогтоолоор нэмэлт өөрчлөлт оруулж, баталсан “Интернэт протокол ашигласан ярианы зохицуулалт” –ын баримт бичгийг баримтална. Энэхүү баримт бичигт компъютерээс компъютерт ямар нэг програм хангамж ашиглан эсхүл байгууллагын дотоод холбооны зориулалтаар цахилгаан холбооны сүлжээний дугаарлалт ашиглахгүйгээр интернетэд суурилан яриа дамжуулах тохиолдолд тусгай зөвшөөрөл шаардлагагүй болохыг заасан байгаа болно.

Ярианы үйлчилгээ эрхлэхэд мөрдөх зохицуулалт, нөхцөл шаардлагууд

 

Интернэтийн үйлчилгээ

Интернетийн үйлчилгээ нь 2014 оноос өмнө бие даасан тусгай зөвшөөрлийн ангилал байсан бөгөөд зохицуулах хорооны зүгээс олон улсын зохицуулалтын чиг хандлага, технологийн нэгдэн нийлж буй хөгжлийн хандлага зэргийг харгалзан интернетийн үйлчилгээг Мэдээлэл холбооны үйлчилгээнд хамааруулж үзэх болсон. Энэхүү зарчмын өөрчлөлтийг Харилцаа холбооны зохицуулах хорооны 2014 оны 06 дугаар тогтоолоор “Харилцаа холбооны үйлчилгээ эрхлэх тусгай зөвшөөрлийн ангилал”-д тусгаж баталсан.

Интернэтийн үйлчилгээ эрхлэхэд мөрдөх зохицуулалт, нөхцөл шаардлагууд

С.Дашбалбар
ШИНЭЧЛЭГДСЭН: 2016/09/06
Мэдээ мэдээлэл
“Дижитал шилжилт ба Апп эдийн засаг” сэдэвт сургалтыг ОУЦХБ-тай хамтран зохион байгуулах гэж байна
Харилцаа холбооны Зохицуулах хороо нь Олон улсын цахилгаан холбооны байгууллагатай хамтран харилцаа холбоо, мэдээллийн технологийн салбарын мэргэжилтнүүдийн чадавхыг дээшлүүлэх сургалт, семинарыг “Дижитал шилжилт ба Апп эдийн засаг” сэдвийн хүрээнд 10-р сарын 23-24-нд Монгол Улсад зохион байгуулахаар болоод байна.
10.18
“Монгол Улсын IPv6 нэвтрүүлэлт болон IPv6-ийн аюулгүй байдал” сэдэвт сургалт болно
ХХЗХ-нь харилцаа холбоо, мэдээллийн технологийн салбарын үйлчилгээ эрхлэгчид, тэдгээрийн мэргэжилтнүүдийн дунд “Монгол улсын IPv6 нэвтрүүлэлт болон IPv6-ийн аюулгүй байдал” сэдвээр Олон Улсын Цахилгаан Холбооны Байгууллага (ITU), Ази номхон далайн бүсийн сүлжээ мэдээллийн төв (APNIC)-тай хамтран сургалт, хэлэлцүүлгийг 2018 оны 10-р сарын 22-26-ны хооронд зохион байгуулахаар төлөвлөж байна.
10.18
Монгол Улсын харилцаа холбооны сүлжээний дугаарлалтын нэгдсэн төлөвлөгөө шинэчлэн батлагдлаа
Монгол Улсын харилцаа холбооны сүлжээний дугаарлалтын нэгдсэн төлөвлөгөө шинэчлэн батлагдлаа
10.12
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 8 дугаар сарын дүн мэдээ
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 8 дугаар сарын дүн мэдээ
10.09
Цахилгаан соронзон долгион ба Эрүүл мэнд
Цахилгаан соронзон долгион ба Эрүүл мэнд
10.09
Харилцаа холбооны зохицуулах хорооны 2018 оны ээлжит 9 дүгээр хуралдааны мэдээлэл
Харилцаа холбооны зохицуулах хорооны 2018 оны ээлжит 9 дүгээр хуралдааны мэдээлэл
10.09
Мониторингийн 2018 оны 4,5,6,7 дугаар сарын тайлан
Мониторингийн 2018 оны 4,5,6,7 дугаар сарын тайлан
10.08
Ухаалаг гар утсанд зориулсан аппликейшн хөгжүүлэх уралдаан
Цахим орчны зүй зохистой хэрэглээг бий болгох, Үндэсний OTT үйлчилгээг бий болгож хэрэглээнд нэвтрүүлэх, дотоодын интернет урсгалыг нэмэгдүүлэх, дижитал эдийн засгийг дэмжих зорилгын хүрээнд программ хангамж хөгжүүлэгчдийн дунд тус уралдааныг зохион байгуулж байна.
10.05
“Цахилгаан соронзон орон-Эрүүл мэнд” лавлах аппликейшнаа татаж ашиглана уу
Олон улсын цахилгаан холбооны байгууллага, Дэлхийн эрүүл мэндийн байгууллагаас эрхлэн гаргасан “Цахилгаан соронзон орон (ЦСО) Лавлах” аппликейшныг Харилцаа холбооны зохицуулах хороо нь Монгол хэл рүү орчуулан гаргалаа.
10.03
"Цахилгаан соронзон орон-Эрүүл мэнд" гарын авлага
"Цахилгаан соронзон орон-Эрүүл мэнд" гарын авлага
10.03